Oktyabrın 29-dan etibarən Akademik Milli Dram Teatrı Azərbaycan Respublikası Mədəniyyət Nazirliyinin və Azərbaycan Dövlət Televiziyasının dəstəyi ilə “Bölgə teatrlarının Bakı premyeraları” layihəsinə başlayıb.
Layihənin məqsədi bölgə teatrlarının yaradıcı həyatını stimullaşdırmaq, bölgə teatrlarında hazırlanan səhnə əsərlərini paytaxt tamaşaçılarına təqdim etməkdir.
10 mart – Milli Teatr Gününə qədər davam edəcək yeni layihəmiz Naxçıvan, Sumqayıt, Lənkəran, Gəncə, Mingəçevir, Şəki, Füzuli, Qusar, Qax, Qazax, Ağdam teatrlarını əhatə edəcək.
Layihənin növbəti qonağı Qazax Dövlət Dram Teatrı olub. 8 yanvar tarixində Samuel Bekketin əsəri əsasında rejissor Abdulla Elşadlının quruluş verdiyi “Səmirsiz” tamaşası və Jalə İsmayılın əsəri əsasında Mirzə Nicatın quruluş verdiyi “Love butik” tamaşası nümayiş olunub.
