Elnur Nusrətdin oğlu Qədirov 3 noyabr 1985-ci ildə Bakıda anadan olub. 2008-ci ildə Azərbaycan Dövlət Mədəniyyət və İncəsənət Universitetinin “Dram teatrı və kino aktyorluğu” fakültəsini bitirib. Sənət müəllimləri Əliabbas Qədirov, Cənnət Səlimova, Bəhram Osmanov olub.
2001-ci ildən orta məktəbin 8-ci sinfində oxuyarkən Akademik Milli Dram Teatrında müqavilə ilə çalışıb. 2006-ci ildən Akademik Milli Dram Teatrının aktyorudur.
Elnur Qədirov teatrda İ.Əfəndiyevin “Qarabağnamə”də II Əsgər,M.F.Axundovun “Sərgüzəşti Vəziri Xani Lənkəran”da Əziz ağa, A.Sadıqovun”Kosanın qızı”da Münəccim,Elçinin “Teleskop”da Aktyor,A.Məsudun “Qatar altına atılan qadin”da Fəhlə,Sərnişin,A.Saqarelinin “Xanuma”da Kinto, M.Frişin “Don Juan və həndəsə”də Don Qansalonun qohumu,B.Brextin “Kuraj və uşaqları”da Gənc kəndli,Nağıl tamaşa”Biri var idi,biri yox idi”də Quldurbaşı,Y.Şvartsın”Kölgə”də Cəllad,C.Məmmədquluzadənin “Ölülər”də Heydər ağa,N.V.Qoqolun “Müfəttiş”də Pyotr İvanoviç Dobçinçki,H.Cavidin “Əmir Teymur”da Qaraquş,H.Həsənovun “Qürbətdən gələn məktublar”da Patrik,M.S.Or- dubadinin”Qətibə İnanc”da Qutluq,C.Məmmədquluzadənin”Dəli yığıncağı”da Farmasyon Rüstəm və s. tamaşalarda maraqlı obrazlar yaradıb.
O, “Qardaşdan yaxşısı yoxdur”, “Muradına çatan günəş”, “Qaynana”, “Bir ailəm var” və s. film və seriallarda rol alıb.