Rada Ziyad qızı Nəsibova 29 oktyabr 1982-ci ildə Gəncə şəhərində anadan olub. 2001-ci ildə Azərbaycan Dövlət Mədəniyyət və İncəsənət Universitetinin kulturologiya fakültəsinə daxil olub, 2005-ci ildə oranı prodüserlik ixtisası üzrə fərqlənmə diplomu ilə bitirib.
2002-2007-ci illərdə Cəfər Cabbarlı adına İrəvan Dövlət Azərbaycan Dram Teatrında aktrisa vəzifəsində çalışıb. 2007-ci ildən indiyədək Azərbaycan Dövlət Akademik Milli Dram teatrının aktrisası olaraq fəaliyyət göstərir. Rada Nəsibova İşlədiyi müddət ərzində
C.Cabbarlının “Oqtay Eloğlu”da Sevər,Ə. B.Haqverdiyevin”Ağa Kərim xan Ərdəbili”də Leyla,İ.Əfəndiyevin”Xurşidbanu Natavan”da Təhminə,Ə.Əmirlinin”Mesenat”da Tələbə qız,”Varlı qadın”da Cangüdən,Nağıl-tamaşa “Gəl,Novruzum”da Bahar qızı,V.Hüqonun “Kvazimoda”da Qara təlxək,M.F.Axundovun”Sərgüzəşti vəziri xani Lənkəran”da Şölə xanım,S.Şendilin”Qanlı Nigar”da Bədidə,E.d.Filipponun”Kabuslar”da Məşuqə,Elçinin “Teleskop”da Ruh,C.Məmmədquluzadənin”Ölülər”də Zeynəb,A.Sadıqovun”Aldanmış ulduzlar” da Küpəgirən,İ.Əfəndiyevin “Boy çiçəyi yaxud “Sən həmişə mənimləsən” də Xurşidxanım,C.Cabbarlının “Almaz”da Yaxşı, Y.Şvartsın “Kölgə”də Annunsiata, A.Şaiqin”Qaraca qız”daDayə, A.Sadıqovun ”Nindza Tısbağalar və kapitan Cekin ma-cəraları”da Rafael, Xalq nağılı “Biri var idi,biri yox idi”də Zeynəb, İ.Əfəndiyevin”Qarabağnamə”də Cariyə, A.Məsudun”Qatar altına atılan qadın”da Sərnişin,H.Mirələmovun”Gəncə qapıları”da Astagül,B.Nuşiçin “Nazirin xanımı”da Anka,Ə.Əmirlinin”Ah,bu uzun sevda yolu”da Qadın,Elçinin “Teleskop”da Ruh,”Cəhənnəm sakinləri”də Qonşu,və b. tamaşalarda maraqlı obrazlar yaradıb.
Rada Nəsibova 2002-ci ildən kinoda fəaliyyət göstərir. 20-ə yaxın film və serialda, “Girov”, “Mənim üçün varsan”, “Sarı gəlin”, “Gürzə”,“İstanbul reysi”,“Bir anın həqiqəti”, “Aramızda qalsın”,“Bir ailəm var”,“Cehizsiz gəlinlər” ekran əsərlərində çəkilib.