10 mart Milli Teatr Günü münasibəti ilə Akademik Milli Dram Teatrında “Sərgüzəşti-vəziri-xani-Lənkəran” tamaşası nümayiş olunub. Tamaşanın nümayişindən əvvəl teatrın bədii rəhbər-direktoru, Xalq artisti Azər Paşa Nemətov Azərbaycan teatrının yaranma tarixi haqqında məlumat verib, Milli Teatr Günü münasibəti ilə teatrsevərləri təbrik edib.
Daha sonra səhnə əsəri nümayiş olunub.
Tamaşanın quruluşçu rejissoru mərhum sənətkarımız, Əməkdar incəsənət xadimi, rejissor Vaqif İbrahimoğlu, rejissoru Anar Sadıqov, quruluşçu rəssamı Əməkdar rəssam Rəşid Şərif, bəstəkarı Xalq artisti Səyavuş Kərimidir. Rəqslərin quruluşu Zakir Ağayev və Yelena Ağayevaya məxsusdur.
Tamaşada Xalq artistləri Sabir Məmmədov, Cəfər Namiq Kamal, əməkdar artist Mətanət Atakişiyeva, aktrisa Şəhla Əliqızı, əməkdar artist Şəlalə Şahvələdqızı, aktrisa İlahə Həsənova, əməkdar artistlər Elnar Qarayev, Məzahir Cəlilov, Elxan Quliyev və Aslan Şirin, Xalq artisti Əli Nur, aktrisa Nigar Güləhmədova, aktyor Rüstəm Rüstəmov, əməkdar artistlər Kazım Həsənquliyev və Mirzə Ağabəyli, aktyorlar Elnur Qədirov, Elçin Əfəndi, Elsevər Rəhimov, əməkdar artist Rəşad Bəxtiyarov, aktyor Ramin Şəxəliyev və əməkdar artist Ayşad Məmmədov çıxış edib.Please follow and like us:
