Yuri Polyakov və Milli Dram Teatrının kollektivi Ümummilli lider Heydər Əliyevin məzarını ziyarət ediblər

Bakıda səfərdə olan məşhur rus yazıçı-dramaturqu Yuri Polyakov və ailə üzvləri, o cümlədən Akademik Milli Dram Teatrının kollektivi Fəxri xiyabana gələrək müasir müstəqil Azərbaycan dövlətinin memarı və qurucusu, ümummilli lider Heydər Əliyevin məzarını ziyarət etdilər. Dahi rəhbərin məzarı önünə əklil qoyuldu, xatirəsi ehtiramla yad edildi.

Sonra görkəmli oftalmoloq alim, akademik Zərifə xanım Əliyevanın da məzarı ziyarət olundu, abidəsi önünə tər çiçəklər düzüldü.

Daha sonra qonaqlar və teatrın rəhbərliyində təmsil olunan şəxslər, yaradıcı heyət, truppa üzvləri Şəhidlər xiyabanını ziyarət edib, vətən uğrunda canından keçən şəhidlərin məzarları üzərinə gül dəstələri qoyub, onların xatirəsini hörmət və ehtiram hissi ilə yad ediblər.

Qeyd edək ki, sentyabrın 23-də Akademik Milli Dram Teatrında Yuri Polyakovun “Sinif yoldaşları” tamaşasının uğurlu premyerası keçirilib.

Tamaşanın müəllifi, quruluşçu rejissoru və rəssamı Akademik Milli Dram Teatrının bədii rəhbər-direktoru, Xalq artisti Azər Paşa Nemətov, rejissoru Anar Sadıqov, bəstəkarı xalq artisti Siyavuş Kərimi, rejissor assistenti Ceyran Həsənlidir.

Bir cavab yazın